Shan Women's Action Network

ရှမ်းအမျိုးသမီးရေးရာဆက်သွယ်လှုပ်ရှားဆောင်ရွက်ရေးအသင်းသည်ထိုင်းနိုင်ငံတွင်းနှင့်ရှမ်းပြည်တွင်း လှုပ်ရှားဆောင်ရွက် နေသည့်ရှမ်းအမျိုးသမီးများ၏ ကွန်ယက်အဖွဲ့ဖြစ်ပါသည်။ ဤသင်းကို ၁၉၉၉ ခုနှစ်မတ်လ ၂၈ ရက်နေ့တွင် စတင်ဖွဲ့စည်းခဲ့ပြီး မြန်မာနိုင်ငံတွင်း နိုင်ငံရေးနှင့်လူမှုရေးပြုပြင်ပြောင်းလဲမှုများဖြစ်ပေါ်စေရေး လှုပ်ရှားမှု ကြီး၌မိမိတို့ရပ်ရွာ အသိုင်းအဝိုင်းကိုခြေပြုသည့် အရေးယူဆောင်ရွက်ချက်များ၊ သုတေသနလုပ်ငန်းများနှင့်စည်းရုံး လှုံ့ဆော်ရေးများကို လှုပ်ရှားဆောင်ရွက်ခြင်းအားဖြင့်ရှမ်းအမျိုးသမီးများ ကျား-မ တန်းတူညီမျှရေးနှင့်တရားမျှတမှုများ ခံစားရရှိလာစေရေးကို လှုပ်ရှားဆောင်ရွက်သွားပါမည်။

ရှမ်းအမျိုးသမီးရေးရာဆက်သွယ်လှုပ်ရှားဆောင်ရွက်ရေးအသင်းသည်အမျိုးသမီးအဖွဲ့ ၁၃ ဖွဲ့နှင့်ဖွဲ့စည်းတည်ဆောက် ထားသောအမျိုးသမီးများအဖွဲ့ချုပ် (မြန်မာနိုင်ငံ)၏ အဖွဲ့ဝင်အဖြစ်နှင့်ပါဝင်ဖွဲ့စည်းသည့် အသင်းလည်းဖြစ်သည်။ ဗဟို ရုံးချုပ်မှနေ၍ရှမ်းအမျိုးသမီးရေးရာဆက်သွယ်လှုပ်ရှားဆောင်ရွက်ရေးအသင်းသည် ပြည်တွင်းနှင့်ပြည်ပရှိ အမျိုးသမီး များအဖွဲ့ကိုဆက်သွယ်မှုများ ပြုလုပ်သည့်အပြင် အမျိုးသမီးများတာဝန်ဖြစ်သော လူ့အခွင့်အရေးနှင့် ဒီမိုကရေစီအတွက် တိုက်ပွဲဝင်ရန် ပူးပေါင်းပါဝင်မှုများ လုပ်ဆောင်လျက်ရှိသည်။ အသင်းအကြောင်းဆက်လက်ဖတ်ရှုရန်...